Sa darating na SONA aking inaasahan
mga ulat ng Pangulo hinggil sa kanyang programang “ matuwid na daan”
ngunit ako’y hindi nanabik
at lalong hindi ko inaabangan
marinig ang mga bilang ng “kanyang proyekto at mga taong natulungan”
Bakit?
Marami ngang programa ang ating Pangulo
ngunit tila bagang wala pa rin itong saysay
Sa araw man o gabi, tag-init man o tag-ulan
pangunahing topiko sa mga umpukan ay hinggil sa kahirapan
“suntok sa buwan” ang pag-asenso
Ito ang hinaharap na hamon ng ating gobyerno
At kung patuloy nilang babaliwalain ang hinaing ng mamamayan
Tiyak kong lahat tayo ay pupulutin sa kangkungan
No comments:
Post a Comment